年輕靚仔巴士車長遇「癡情女巴士迷」騷擾　網上現身獲網民力撐

日前《東張西望》報道，一位年輕巴士車長自去年起加入巴士公司，惟入職不足3個月便遇上「癡情女巴士迷」。一名自稱即將19歲的女巴士迷疑迷上車長，不時向其作出騷擾行為。靚仔車長日前亦網上現身獲一眾網民力撐。

靚仔巴士車長網上現身獲網民力撐

靚仔巴士車長Alex最新在周一（6月2日）《東張西望》播放後，在社交平台現身發文，他表示，「報東張目的只係希望報導完，佢（女巴士迷）真係唔會再騷擾我or其他車長」。

而對於「靚仔巴士車長」的稱號，Alex亦相當謙虛，只是說，「個標題係東張西望改的，我一啲都唔靚仔，正常人樣一個」。

網民力撐年輕巴士車長

至於《東張西望》暫時只播放第一集故事，已經迅速獲大眾關注，不少網民更留言力撐巴士車長，指希望巴士車長能夠盡快重獲正常生活，亦有人指責女巴士迷騷擾行為會影響行車安全，危害大眾，「最後如果比佢影響到冇左份工。多得佢唔少」、「不停影相又唔知幾時彈出嚟，仲要起人底」、「巴士司機喺呢啲無形壓力下隨時會有意外發生」、「男人要識得保護自己」、「現實比虛構離譜」、「好恐怖😢仲起人底」、「要調去第二條線避啦」、「車長認真夠慘」、「無啦啦就咁樣俾人keep住跟蹤，見到又冇得掉頭走」、「真係痴線，踩架單車去追巴士」、「你可以唔鍾意我，但唔可以阻止我鍾意你」、「睇完呢單嘢，真係好慶幸自己唔係一個靚仔」、「同公司講轉第條線或轉第間」、「問世間情為何物，直教人生死相許」、「好恐怖...」。

歡迎觀眾內進留言關注事件：

年輕靚仔巴士車長「開工遇孽緣」 癡情女巴士迷偷拍+追車+起底樣樣齊!