本港再有司機被拍得逆線行駛。一位車主在網上表示，近日駕駛其間，一名女鐵騎士逆線行車，雙方險致相撞，幸好沒有意外發生。而相關車Cam影片之後亦在網上流傳，惹起熱議。
女鐵騎士「盲中中」逆線行
該段長約8秒的車Cam影片被上載至社交平台，據影片所見，車主駕駛至一個T字路口時，一位女鐵騎士突然駕電單車「盲中中」逆線駛來，雙方險致相撞。
而女鐵騎士當時更直接用腳剎車，非常牙煙，最後她直接駛到車主旁離開。影片結束。
影片截圖：
網民質疑女鐵騎士車牌非港考
事件引來網民譁然，有人質疑女鐵騎士的駕駛技術，亦有人認為她的車牌並非在香港考取，因而不懂道路守則，亦有人指應該向警方舉培，「可能雪牌/新牌啱啱攞車一個月」、「上個禮拜先吸成香港牌??」、「可能是大陸考牌返嚟嗰啲」、「嘩仲要劈住入」、「好彩佢唔你遇上的士，如果唔係兇多吉少」、「幫幫啲師姐，舉一舉報佢等佢考過」、「咁揸法都得」、「依家大把人返大陸考完個電單車牌寺返香港用。」、「緣份來到，擋都擋唔住」、「係咪誤會左箭咀方向既意思」、「懷疑緊佢有無牌？」、「片主應該幾好人，感覺上佢唔開佢車牌係比機會佢」、「揸開有條路，入邊都行到」、「咁搞，多多條命唔夠....」、「個牌淘番來架?超危險」、「電單車：你哋做咩逆線行？」、「女車手 : 乜唔係跟箭咀方向咩?」、「呢個牌點考返嚟」。
逆線行車可被判監禁3年
翻查資料，在馬路上逆線行車則可被控「危險駕駛」。根據根據香港法例第374章《道路交通條例》第37條「危險駕駛」，任何人在道路上危險駕駛汽車，即屬犯罪，可被判罰款25,000港元及監禁3年。