黃埔花園鎖車隊及第一城鎖車隊都令司機聞風喪膽。日前一名的士司機便在黃埔花園內停車落車買水飲用，豈料立即便遭到鎖車隊勁快手速鎖車，令其極度無奈。
三名職員手速勁快即鎖車
片主在社交平台上傳一則影片，現場為黃埔花園德豐街，一輛的士懷疑因違例停泊被鎖車。片中所見，三名職員到場處理，其中一人負責鎖車，一人記錄資料，另一人則拍照，當三人疑似完成工作準備離開時。
現場鄰近一間便利店，當時一名中年男子手持飲料及其他物品匆匆返回車旁，並表示：「唔係呀話大佬，買樽水」，他聲稱只是短暫落車到便利店買水，質疑職員立即鎖車的做法過於嚴厲。但雙方簡短交談後，疑見對方無意通融，失望地走回路中央，職員亦隨後離開，影片結束。
影片截圖：
網民：真慘買支水就唔見錢
事件引起網上討論，不少網民因近日的士行業低迷而對司機心感同情，亦有人指司機應該去另一位置停車，以免被鎖車罰錢，「真慘，買兩支水就唔見錢」、「食飯或去廁所就行遠啲，私家路呀」、「係度睇過架5.5俾人鎖左，佢出返黎講幾句竟然網開一面開返鎖俾佢」、「泊都泊遠d啦，泊正係政府停車場出面」、「死都唔入黃埔」、「鎖多D岩!泊到路都行唔到」、「黃埔出哂名鎖車快」、「320蚊支水去洒店都得啦...」、「的士大把錢，劏個客都可以夠錢開兩次鎖」、「點解唔去油站買？」、「揸得車點會唔放支水係車？」、「入車場買啦！大把地方有15分鐘免費」、「香港越來越多地方專刮民脂民膏」、「黃埔好過第一城，會等一陣先鎖，有時會放生」、「下次買水去黃埔新村啦」、「黃埔鎖車隊出咗名”快”你唔係唔知呀」。