郊野公園多處均有貼出海報，警示市民及遊客不要餵飼野生動物。不過，近日便出現搞笑一幕。有網民拍得一隻猴子疑「不同意」標語內容，而「撕爛」海報，引起網民熱議。
禁餵野生動物海報遭猴子撕爛
有網民在網上發帖文，寫道，「佢好似有唔同意見 ~」，並附上一姨照片。據照片上所見，一張疑位處郊野公園的禁餵野生動物海報，被一隻猴子撕爛，而撕爛的位置剛好在罰款的字眼上。
網民扮馬騮仔：我要報東張
照片引起網民熱議，有網民笑言，猴子可以報東張伸冤，亦有人指應加重罰款才能起到打擊作用，「🐒：我要報東張」、「🐒：你罰佢哋5000，又唔係俾返5000我去買嘢食有用咩」、「馬騮仔應該識繁體中文」、「好有潛力做meme圖」、「向來阻人搵食要死全家⋯」、「走呀馬嬲！」、「笑死，可以攞國際攝影大獎」、「唔俾餵姐，冇話唔俾自己去搶」、「依家搵食艱難，馬騮都反對」、「幾有靈性」、「馬嬲仔好嬲喎」、「馬騮有佢既道理，今次撑佢」、「大聖爺對此感到不滿」、「猴子猴孫都睇唔過眼」、「馬騮抗議中」、「本年神級照片」、「直接控訴，侮視法規，好不安！」、「人類請尊重動物的意見」、「根本無人餵，但被佢明搶」、「唔應該寫罰款，應該係獎勵，等我删咗佢先」、「我好似聽到佢一邊講粗口一邊撕爛張banner」。
非法餵飼野生動物或被檢控
根據香港法例第170章《野生動物保護條例》所示，非法餵飼野生動物（包括野豬、猴子及野鳥）可被處定額罰款5,000元或者被檢控，最高刑罰為罰款10萬元及監禁1年。