本港野外垃圾問題日益嚴重。適逢父親節（6月15日）周日，一群熱心市民不畏三號風球，自發組隊登上飛鵝山進行清潔行動，清理沿途山徑垃圾。期間他們發現大量煙頭、避孕套，甚至曾使用過的驗孕棒，情況令人震驚。參與者在網上分享經歷時感嘆，部分山徑已淪為「時鐘酒店」，呼籲市民珍惜自然環境。
驚現驗孕棒與大量避孕套
有網民近日在社交平台上分享，他與另外五名朋友於周日（6月16日）冒著三號風球下的狂風暴雨及悶熱天氣，徒步登上飛鵝山，展開一場歷時六小時、全程約17公里的清潔行動。最終，他們合共清理出五大袋垃圾，當中包括大量煙頭、生活廢物，甚至發現多個疑似使用過的避孕套及一支驗孕棒，情況令人震驚。
嘆淪為「時鐘酒店」
帖文中，帖主以半開玩笑語氣形容：「（避孕套）有三個好新鮮，有幾個就乾晒」、「都真係堅誇張，其實我二月已經執咗好多個，跟住今日有好多新鮮滾熱辣！真心都幾核突」，並對驗孕棒的發現諷刺地說：「恭喜你得一條線冇BB，都係嗰句唔好害咗下一代啦。」
此外，眾人還撿到「過千支煙頭」，以及大量食品包裝、飲品容器等生活垃圾。帖主不禁質疑，飛鵝山是否已經變成「時鐘酒店」、「美食廣場」甚至「垃圾堆填區」，呼籲市民尊重自然環境，勿將郊野公園當作私人空間或棄置場。
網民留言：辛苦晒
不少網民對幾位熱心市民表返謝意，向他們留言感謝，亦有人不解為何要在野外做出這些行為，「辛苦晒！你哋好好！」、「想知邊個會想係荒山野領到搞呢啲野」、「辛苦晒你哋～」、「父親節祝亂扔垃圾嘅仆街 穿套早日成為爸爸媽媽」、「我試過執垃圾係有一次係海中心執到舊垃圾啫，如果俾我喺度執到呢啲咁嘅嘢，我真係會覺得好嘔心」、「小心有蛇，注意安全！」、「食環應該過來執法幫補庫房」、「多謝你哋，3T重上山清潔山頭。好想頒個好市民獎俾你哋，辛苦哂！」、「辛苦了，不過啲人都係咁扔」、「香港好多缺德嘅人亂拋垃圾」、「辛苦曬啦，今日真係超焗」、「啲人幾時先至學識自己垃圾自己帶走，自己都識行落山啦，就順手帶埋啲垃圾」。