香港年中有不少內地旅客來港旅遊，惟近年新興的「窮遊」方式入侵本港，本網早前曾報道有內地旅客教路在香港機場窮遊過夜攻略。如今有網民指，上水廣場外亦有疑為內地旅客玩「窮遊」瞓街，更自備紙毯攤消毒地毯過夜，引起網上熱議。
上水廣場疑內地旅客玩「窮遊」瞓街
一位網民在網社交平台上發帖文，指自己去健身室後回家途中，驚見上水廣場天橋外，有疑內地旅客「七街訓」，故立即拍下當時情況。
他表示，該名女子是有有備而來，「突登拎埋紙毯，帶埋鎖，鎖個gip 係商場個玻璃門。張毯岩岩好摺到入gip」。而帖主亦立即通知保安，惟保安回應，「話佢都係第一次見」。
據照片所見，該名旅客將行李直接鎖上商場的玻璃門上，然後舖平一張白色紙毯在一張大消毒地毯上，然後蓆地而睡；一旁的保安看着情境亦大感無奈。
內地旅客玩「窮遊」瞓街情境：
網民：點瞓得落
帖文在網上廣傳，令不少網民驚訝，認為在如此熱的天氣中很難入睡，又指街上很多細菌，亦有人指政府應該吸「有錢客」，而不是這樣的旅客來港，「嘩果啲消毒地墊先最污糟最臭…點瞓得落」、「大陸周圍都係咁瞓，講堅，YouTube 好多片」、「人地深度遊要唔要同你申請先」、「熱到咁點訓？」、「呢個位第一次見，通常係體育館/運動場果面(十一點前裝支大水，再冲返個靚凉就訓到第二朝，再冲多次一凉)」、「只要俾一個訓，下次可能就會有一排」、「報警，差佬真係肯做嘢。真係唔好成為常態」、「等到天光佢會唔會知醒起身？」、「包容下啦 #曲」、「喺街瞓算得係乜，佢哋連公廁都可以瞓」、「喺街喺車唔想被佢地掂到唔係冇原因」、「下次提佢去深水埗有露宿者之家...」、「天橋咁多位唔訓，係要訓門咁張揚」、「真係七街訓」、「叫佢去露營合法7街訓」、「行為藝術黎架麻？」、「玻璃門鎖gip？！應該唔比的」、「叫保安趕走佢，同唔俾佢扣住個玻璃門」、「張地氈咁污糟都敢訓落去」。