網上fb群組最新流傳手機視頻，顯示旺角一間大型連鎖超市一名身穿連身裙挽手袋的斯文婦人懷疑盜竊斷正，期間女疑犯一度逃離涉事超市，被捉回後多次欲「借尿遁」，雙方多次拉扯及有明顯肢體碰撞，掙扎時女疑犯更一度被按壓在地上制服，事件引發網民熱議。
本周一（6月16日）晚上接近11時，警方接獲上海街444號一間大型連鎖超市的職員報案，指一名女子偷取紅酒及洗衣用品，總值約900元，警方趕抵現場後拘捕一名姓吳（56歲）涉案女子，她涉嫌「店舖盜竊」，交由旺角警區刑事調查隊第4隊跟進。
網上fb群組瘋傳事發當時的片段，可見一名身穿連身裙挽手袋的斯文婦人疑犯，曾一度逃離超市到對面的上海街，被2男1女的職員在街上捕獲，然後該2名男職員左右捉手及揑後頸把疑犯押返店內，3人又多次在門口拉扯糾纏，期間女疑犯多次欲「借尿遁」及一度潑水反擊，男職員曾多次喝令疑犯不要逃走，以及與疑犯拉址推撞，雙方多次有明顯肢體碰撞，女疑犯掙扎時疑犯更一度被按壓在地上制服，男職員期間表示「唔好再亂搞嘢啦，企響度啦！」、「偷嘢唔使講咁多，總之唔好喺度搞咁多嘢！有咩同警察講啦，坐低啦，唔好暴力啦！」。
事件引起網民熱議，有網民留言示「偷嘢唔啱，但點解暴力對個女人？」、「一定要咁樣整傷人㗎？仲學人按頸？唔識就唔好亂嚟！」、「其實唔俾佢走就可以無謂動粗」。
另一方面，也有網民認為職員如此行徑無可厚非， 直言「個女人成日想偷走， 話兩個男人過份武力？」。