不少人相信自己飲酒後會「千杯不醉」，但現實大多人都會醉酒，甚至在街出洋相。日前網上流傳一張照片，一名男子坐巴士疑醉酒「攤屍」車廂內，引起網民熱議。
男子正於巴士車廂內「攤屍」
網上社交平台組近日流傳一則帖子並且，並附上一張照片，帖子寫道，「凌晨5點往小西灣方向既n8x上面，無論車上面準備去晨運既阿伯阿婆，定剛剛蒲完返緊屋企既後生仔女，一經過呢個位都小心翼翼咁彈彈下跳跳下咁行」。
照片所見，一名男子正於巴士車廂內「攤屍」，他以大字型姿勢睡於走廊，頭則在關愛座處，而家雙手緊抱自己。帖主指，「成程唔少人上車時都問左司機驚佢暈左。司機話佢係醉左，而實際上留意到佢應該真係訓左」。
帖主指又男子「中途仲換左幾次姿勢」；而帖主亦表示，「希望呢位哥仔醒返時知道曾經有成車人，為左守護佢既美夢，搞到全部人變跳跳虎」。其後，帖主指男子到藍灣總站後，已被送上救護車去了醫院。
網民：醉到咁仲識得拍卡上車搭巴士
事件引起不少網民討論，不少人感嘆男子醉酒仍懂得上車搭巴士，「真好笑」、「會醉到咁架咩⋯？」、「仲識得拍卡上車搭巴士都算叻㗎啦」、「好知慳識儉，醉到咁都仲識得搭巴士」、「呢個人兄睇嚟應該有唔少煩惱」、「沉浸式體驗車中泊旅程」、「正常唔應該比佢上車應該幫佢call白車」、「個故仔係好正面嘅！大家都唔認為個瞓咗覺年輕人阻住晒⋯」、「唔洗膽心條腰既柔軟度，只需要一支伏特加」、「無嘔已經好好」、「司機好大責任，點解唔報警」、「會唔會係碰瓷?」、「諗返自己年少輕狂時嘅野」、「我都見過人醉左訓最後果排櫈，巴士真係好」、「gathering唔覺意飲多左」、「由訓地->訓擔架->訓病床」。