【關愛座／東鐵／港鐵／東鐵線／讓座／公德心】近年不少市民假日都會北上遊玩，並會乘坐較方便的港鐵前往，但近日港女帶80歲父親北上坐東鐵線時，因為無人讓座，而令事主心生不滿，繼而網上公審乘客反被網民鬧爆。
港女帶父親坐東鐵無人讓座玩公審
近日有港女在社交平台發文，並附上照片，公開批評兩名東鐵女乘客未有為其80歲父親讓座。事主表示，當日陪同父親北上深圳，在東鐵車廂內向坐在優先座的兩名女士詢問是否願意讓座，惟對方拒絕。
她在帖文中質疑：「今日同80歲老爸返深圳坐東鐵，由於老爸腰脊唔好問優先座位可否讓座，兩位女士拒絕讓座。請問香港宜家的優先座位對老人家還有效嗎？」。
據該張照片中可見，兩名女子坐在標示為「優先座」的中間位置，其中一人被打上馬賽克遮蔽面容，另一名年輕女子則未有遮擋。她們身旁還有三名男乘客同樣坐在優先座附近。
港女拍照怒斥乘客反被網民鬧爆
帖文引發熱烈迴響，有網民指出優先座並非必須要讓座，亦有人指可若對家父好，可以轉乘的士，「點解淨係問兩個女士？佢有冇問埋隔離個男士呀？」、「建議政府將其更名為搏鬥座，打贏先好坐」、「讓就人情，唔讓就道理」、「兩蚊搭個車都要人地讓座po上網鬧先有問題」、「讓座唔係奉旨的，仲要開樣公審人」、「讓係人情，唔係老馮，一唔讓就要比人擺上網」、「香港人郁啲就起槓！有時說話或者善待一下人真係咁難咩」、「跟圖睇兩位女士坐既並不是優先座，冇需要讓的其實」、「點解唔去頭等，大把位又舒服」、「」、「其實成80歲人又有腰骨問題，做女嘅唔應該任性到帶老人家搭完一轉公車再搭另一轉，只係為左想「去下」香港或「返下」深圳。比老人家安享晚年啦。不孝有三，折騰父母為大。」、「自從腰骨有問題，上大陸已經放棄坐東鐵轉搭高鐵」、「其實張頭等車廂轉做長者專用，會唔會減少衝突？」、「東鐵有頭等，點解咁不孝要個八十幾歲老人家去普通車廂爭凳仔仲要影人相批鬥？」、「果吖爸腰骨唔好，又要坐地鐵嘅，咁可以去頭等嘅，都係貴一倍」、「其實有啲會讓位嘅人，未必係發自內心，只係基於social norms唔讓唔得。」。