近年航空安全受到關注，國泰一輛從香港國際機場飛往日本成田國際機場的航班，上機後飛機見到有緊急出口漏水，國泰安排工程師上機檢查了半小時，起飛時間被迫延誤，但最後竟繼續任由出口漏水。事件引起關注。
國泰客機緊急出口漏水照起飛乘客憂飛行安全
有港男於網上發文表示，7月21日乘搭國泰航空CX504航班從香港國際機場飛往日本成田國際機場，上機後飛機見到有緊急出口漏水，半小時後，客組人員竟繼續任由出口漏水然後繼續原機飛往日本。港男十分擔憂飛行安全。
該港男發文表示，「CX504 9:05 HKG（香港國際機場）飛去NRT（日本成田國際機場），緊急出口漏水，檢查咗半個鐘，班機都delay埋，最後繼續由佢漏，話好安全，今次我都同自己講句safe flight」。
港男另附上影片及照片，可見當時機上坐了不少乘客，國泰安排兩名工程師上機檢查緊急出口艙門；另有三名機組人員在身後監察。
國泰：航班已安全抵達成田機場
國泰航空回覆傳媒查詢時表示，周一（7月22日）一架運作CX504航班前往東京成田機場的航機，於香港國際機場出發前，曾由工程人員按照標準飛機維修程序檢查其中兩道機門，並確認可安全運作。
國泰強調顧客和機組人員的安全，是公司的首要考慮，而有關航機已於周一當地時間下午3時17分安全抵達成田機場。
網民正反回應
網民對事件議論紛紛，有人表示國泰需做好更多安全春施，以便乘客安心，亦有人認為不會影響航空安全，「入到水唔係即係會走到空氣咩？」、「建議所有網上飛機工程師即時入行，提升行內維修水準」、「咁小事都要拎出黎講」、「漏水都算，成日搭飛機起飛前聞到的機油味， 雖然知應該安全，但係心理都係影響。」、「其實識整嗰啲建議即刻上去整，唔好得個講字」、「飛機機門到一定年期老化，就會有少少風聲到氣流聲，只要外層鎖死，係唔會影響飛行安全」、「試過成個galley突然倒水咁倒」、「如果真係出事，你覺得你大獲啲定係佢哋大獲啲？」、「我上個禮拜先至坐完呢隻機」、「所以之前啲大陸人喺飛行途中想開艙門逃生，未必冇苦衷」、「777 正常 。成日見 。我整飛機都出現過咁既情況 。」、「有氣壓， 度門飛咗係吸住，飛緊度門係入面係開都開唔到」、「十幾年前已經係咁」、「其實維修班人好hea…」、「經過一埸暴雨，唔漏水至奇」、「你信自己直覺認為唔安全，定信我係秦始皇」、「上到天就唔會漏」。