近日打風期間，一對疑似內地男女在九龍一間肯德基（KFC）分店內「霸位食飯」的行為引起網民熱烈討論。據目擊者在社交平台發帖及上載影片，該對男女身穿浴袍及拖鞋，於餐廳內打開自攜的燒鵝及蕃茄蛋飯大快朵頤，期間未見有任何消費行為。
兩人佔用餐廳資源卻未有消費
帖文指出，事發當日正值十號風球，餐廳人手緊張，員工忙得「踢晒腳」，無暇處理事件。樓主更無奈表示：「葡撻都冇買呀」，質疑二人佔用餐廳資源卻未有消費，行為不當。
影片中可見，男子將三件燒鵝夾起觀察後未有進食，而兩人身穿衣褲外再套上浴袍，腳踏拖鞋進入餐廳，造型引人注目。帖文亦提到，餐廳附近有酒店，步行約10分鐘可達，疑似二人為住客。
影片截圖：
兩人零消費遭網民炮轟
事件引發網民熱議，有人批評行為「肉酸」，亦有網民斥責兩人的行為，也有人認為沒有問題，「去到外國好多鬼佬鬼婆都係咁，有咩問題」、「你信唔信，呢類文化，好快會滲落香港新一代」、「大驚小怪，佢哋著住睡衣可以落街周圍行」、「有幾次喺旺角麥當勞，有幾檯人食緊螺絲粉，蕃薯，粟米」、「勁好笑，既然穿浴泡應該酒店房係附近，點解要係KFC食呢，諗唔明」、「呢啲係佢地所謂嘅生活習慣，冇得改」、「唔明點解間舖頭嘅staff 唔出聲？咁樣係縱容佢哋。」、「有時覺得呢種先係叱咤風雲 我任意闖」、「唔喺kfc食麥當勞算畀面㗎喇」、「呢啲正一自私」、「厚面皮到癲 霸住啲位兼阻人做生意」、「KFC 冇人出聲？」、「點解KFC無人處理下佢哋？」、「KFC好慘好慘」、「他們常常在A店吃B店食物，為何不全部外賣回酒店正常地吃」。