本港今早（7月29日）風雲變色，多區出現暴雨及狂風雷暴。正值上班繁忙時段，大批市民冒雨出門。不過因為太遲公布黑雨消息，不少人已在上班路上，天文台被網民怒插「太遲出警告」。
黑雨｜天文台一小時內紅變黑
天文台於早上8時05分發出黃色暴雨警告信號，其後在短短一小時內迅速升級，先於8時40分改發紅色暴雨警告，再於9時10分發出最高級別的黑色暴雨警告。
黑雨｜天文台FB遭打工仔留言鬧爆
暴雨來勢洶洶，不少打工仔在暴雨中趕往工作地點，社交平台上亦有網民湧入天文台Facebook專頁留言，批評警告信號更新過於倉促，未能發揮預測功能，令市民措手不及，「超前部署果班人係咪返9:30？」、「9:10掛都真係幾PK」、「超前部署個班人又消失左，改名叫忽然部署喇」、「上水今朝出太陽，新界大雨黃雨都吾掛下，港島落雨就一小時黃紅黑」、「大西北一滴雨都冇，黑雨？」、「一早就應該發啦，返到公司附近水浸到過河咁， 你可以再遲啲發」、「好準時喎 唔過9點唔掛」、「市區四點幾已經落緊狗屎，等到過咗九點先嚟掛黑雨，天文台真係準時嘅啫！」。
亦有人指只有數區有大雨，質疑天文台的決定，「大部份地方落大雨又吾發黑色。。得港島落就發黑色。係咪過左香港島就吾係香港？。呢度一滴雨都無呀」、「好波 返晒工先掛黑雨」、「早排新界落到水浸都係黃雨/紅雨，返工返學多謝晒你地」、「你地嘅準則應該都係港島行先，港島冇雨就全香港都冇雨」、「港島東落狗屎，超級無敵大雨」、「無香港天文台，只有港島天文台」、「九龍同港島區真係大雨，佢09:10真係靚掛，睇得出超前部署好晒！」、「黑雨係咪即係即走啊？天文台考慮打工人階級，提早通知聲,依家人水忙忙」、「新界係一滴雨都冇，聽清楚喺一滴雨都冇呀，港島區落大雨就黑色」、「落左成晚唔掛，返左工先黎掛」、「天文台係為港島區工作」、「超前部暑班人因為知道黑雨，所以冇返工」。