大埔有村屋在黃色暴雨下水浸，泥水湧入屋，住戶在網上大呻情況「超級恐怖」。
大埔有村屋在黃色暴雨下大水浸，泥水登堂入室，住戶在網上呻爆情況「超級恐怖」，直言想「原地爆炸」。
有好心網民建議搬到粉嶺做街坊，指該區「之前排洪、黑雨、10號風球乜事都無」。
樓主：玩咗我7個幾鐘
樓主7月3日在社交平台Threads上載相片發帖，勁呻「大佬，噚晚黃色暴雨，然後我成間屋浸到咁，ＸＸＸ想點，玩咗我7個幾鐘，又屎又泥，以為搞掂，點知雪櫃、洗衣機、櫃全部都仲係，Ｘ，想原地爆炸，但忍住了」。
樓主在回應欄補充，透露地點是大埔，在林村附近，並指最後是「我哋3個人慢慢清」。
網民感同身受和應：成屋嘢浸晒勁想喊
有回應的網民感同身受，上載自家屋企水浸的相片和應，指自己也住大埔，心情感到「崩潰」。
有人則發長文安慰，指自己兩年前黑雨有相同經歷，很理解樓主的心情，該網民指當晚「水唔知邊到湧入嚟」，雜物被沖到各處，開不到大門，「睇住成屋嘢浸晒勁想喊」。
該網民亦教路，「如果係租屋同業主傾下有冇得免租1個月，之後滿約好搬走啦，搵啲2、3樓住」，並指「木櫃嗰啲唔要得㗎啦，啲污糟水浸過好易有白蟻，勁多嘢要唔得，係咁扔，清潔記得戴手套戴口罩，地板買幾支滴露清潔」。
有網民也建議「收拾時要小心，著水鞋戴手套」、「買啲臨時防水閘／沙包，用住頂下先」、「有時諗緊，住緊嘅單位要準備定個潛水泵喺屋企看下門口，有乜事都好，可以泵出窗外！」。
網民向樓主表示同情
不少人非常同情樓主，表示「陰功」、「好大鑊」、「慘慘慘吖」。另有人關心到「嘩，如果有養細狗浸死都似⋯」、「有動物真係好驚，同埋地下啲電位」。
對於樓主提到「又屎又泥」，有人好奇提問「屎？」，有網民則回應「一定有的，化糞池」。
網民討論選擇村屋居住樓層
對於選擇村屋居住樓層，有網民提到「村屋有得揀絕不住地下」、「所以為甚麼3樓最貴，不過天台也會水浸，可能2樓最安全」、「大埔一落大雨就係咁，唔好租地下，租啲地高少少嘅」。
粉嶺街坊「拉客」 建議樓主搬至粉嶺
還有粉嶺街坊「拉客」，表示「搬嚟粉嶺啦，之前排洪、黑雨、10號風球乜事都無」。
相關新聞：
黑雨紅雨8號風球 屋苑水浸/設施損毁？房屋署聯絡中心24小時服務 協助公屋居民應付突發情況