近日網上流傳一段36秒影片，拍攝者為一名女乘客，記錄她於7月27日乘搭九巴279X由上水往青衣期間，目擊一對鄉音夫婦因攜帶大型行李喼而與車長發生激烈爭執，最終強行登車，引起網民熱議。
鄉音夫婦九巴拖喼上車被阻爆粗大鬧
據影片所見，事發時車長已明言「行李位（輪椅位）full咗」，呼籲乘客如有大型行李應等下一班車。惟該對夫婦不滿安排，質疑車廂仍有空間，並在車頭位置與車長爭執。期間男乘客情緒激動，多次爆粗辱罵司機：「X你老X！根本想喺度玩嘢！」、「無心機揸就唔好X揸啦！」等語句，嚴重影響車廂秩序。
女乘客補充，車長曾解釋「乘客行李不可以佔用座位及通道」，並警告會報警處理。其間女乘客（大媽）強行將行李篋橫放進輪椅位範圍，聲稱「我無阻住喎」，但明顯見到行李仍霸佔通道。車長再三提醒「唔好阻住（通道）啊，阿姐」，惟對方未有理會。
最終，該對夫婦無視車長指示，強行登車，男乘客站在行李旁邊看守，巴士才得以開出。拍片者批評二人行為不當，指「司機都講咗冇位放行李，就唔好強上啦，佢都係為咗乘客嘅安全啫」。
網民：支持車長依法執行職責
事件引起網民關注公共交通秩序及乘客安全，不少人支持車長依法執行職責，呼籲乘客應尊重規則，避免影響他人，「好危險」、「人渣」、「司機講得好清楚，其實搭巴士係只能帶隨身小件，吾係預你帶大件行李gip上車架」、「d人當老馮比你放，放係人情，吾比放都係正常！」、「又唔係機場巴，邊會有行李位呀」、「嗰個係輪椅位，咁都夾硬來」、「呢架係巴士唔係旅遊巴」、「你叫巴士司機去機場睇吓龍運巴士啦」、「比你上車係人情，唔比係道理」、「支持車長」、「好快到，好快到，轉眼就到，大家睇開啲」、「係我就熄匙等你落車」、「現在既香港，人人壓力大，好容易起衝突」。