《東張西望》不時報道各區老鼠出沒情況，繼早前新蒲崗有連鎖鮮肉店老鼠橫行後，再有同區餐廳亦驚變「老鼠樂園」畫面非常恐怖！據網上影片所見，餐廳在打样後，出現多隻老鼠。本網已就事件向食環署方面查詢。
老鼠樂園｜網民發片指看到恐怖一幕
有網民在社交平台發相發片，指近日跑步經過越秀廣場時，從一間餐廳的後門看到恐怖一幕，「話說小弟琴晚跑步經過佢哋後門，見到1-2隻老鼠都唔覺得奇怪，再行前多幾步耐心等候就出事了，原來成群老鼠聚集埋一齊，我諗超過10隻或以上，佢哋四圍欄（躝）」。
據影片所見，有多隻老鼠在餐廳內出沒，地上有超過5隻以上爬行；放在一旁的手推車更有老鼠連番跳動，看似非常「生猛」！
影片截圖：
老鼠樂園｜片主：食材好好封存都唔敢食
片主表示，老鼠在餐廳內「大開Party」，形容牠們走遍所以地方，「啲食材好好封存又點，d碗碟抬櫈爐具全部比老鼠碰過晒。如果你哋咁啱食過呢間又有腸胃唔好，都最好睇下醫生先」。
片主補充，「老實講老鼠唔係未見過，有餐廳有老鼠亦都唔意外，但成群出現真心誇張咗，我唔保證其他餐廳，有冇呢啲情況，但老鼠入得商場或者屋苑，證明衛生差到一個極點，或者一d設施破損令到佢哋乘虛而入」。片主又形容「衛生極差，如不改善遲早出事」。
片主最後表示，已就事件打「1823」向食環署舉報。而本網亦已就事件向食環署方面查詢。
老鼠樂園｜網民發現餐廳用膠袋封門
有網民看到帖文後，便前往餐廳查看情況，誰不知餐廳已一早將玻璃門用膠袋封上，故未能查看店內最新環境，「啱啱經過佢用垃圾袋遮住哂」、「啱啱再去過後門，見到搵嘢封咗，以為有跟進，點知仲有條罅位望到，原來餐廳都係求其地處理，裡面繼續開緊party」。
事件亦引起不少街坊及網民討論，有網民表示不敢再吃，也有人指餐廳有老鼠是正常，但今次過份誇張，「報食環啦！」、「無幫襯過好彩」、「唔洗咁驚，基本上全港住宅樓地下嘅餐廳都一定有呢個問題」、「所以好多餐廳收工會將啲碗碟放入不銹鋼櫃入面」、「新浦崗有邊個位無老鼠？周圍都係」、「地舖同商場中央冷氣地方都好難避免冇老鼠，只係玻璃門容易俾人發現」、「老鼠曱甴老細有責任去處理」、「五星級大鼠。試新菜式。」、「好恐怖」、「哇，多謝分享」、「其實成個新蒲崗都好多老鼠⋯」、「我知實有米奇，但係太過火」、「老鼠是群居的」、「落停車場睇下，包你歎為觀止」。