港鐵再發生關愛座讓座爭執事件，網上社交平台昨天 (8月19日) 流傳一則帖子並且附上一段手機視頻，該名報稱大肚的女帖主指她坐在關愛座時，被1名阿伯 (樣貎頗似演員盧海鵬)「手指指」逼讓座，即使其旁邊女乘客讓座該名阿伯也不坐，繼續針對她，她表示自己懷孕，阿伯則指「無人知你大肚」，又說「要坐一定要有理由，因為呢個係老人座」。
帖主指自己懷孕初期「未見肚」，沒想到乘搭港鐵關愛座時，該名阿伯「手指指」逼她讓座，並指「佢話要我讓因為我後生，跟住個姨姨後尾都出聲：其實我都即刻畀你坐啦……」。
該手機視頻可見，一名女士於港鐵車廂內與站著的阿伯爭吵，期間大聲表示「我就大肚嘅，而家呢個人呢就大大聲指住我逼我讓座，我而家就好驚啊，手指指喺度逼我讓座」，該名阿伯則反駁「無人知你大肚，唔好亂咁噏，唔好亂咁噏，無人知你大肚。你未話畀人知道，人哋只係問你啫，一啲都唔惡，你恃住你咁嘅樣……」，帖主則批評阿伯「手指指你睇幾惡啊，嗰啲廢老就係咁樣㗎啦，手指指啊，同我講話呢個位老人家先可以坐㗎」，片中並且見到帖主旁邊有一個關愛座空位，影片到此結束。
事件惹來網民熱議，不少人留言表示「關愛座真係好X煩，廢老成日以為關愛座係為佢哋而設」、「一於取消關愛座」、「不如取消關愛座啦，好多老人家都覺得佢哋先有資格坐，人哋唔舒服要同你講？平時無人坐我會照坐，有老人家入我先讓坐 」、「我頭暈又要話你知咩，老馮要讓架」、「同女人嗌交已經輸咗九成，重係大肚婆就收口喇」、「阿伯你試下去頭等叫人讓坐呀，睇下有咩後果」、「比咗錢洗X讓咩，嘥X氣」、「倚老賣老，冇啲氣度」、「最後鏡頭旁邊咪仲有個位咩，佢做咩唔坐」、「妳都唔係善男信女吖」等。
此外，有不少網民表示「我第一眼以為盧海鵬」、「仲以為係盧海鵬」、「好似盧海鵬」、「佢係咪試緊咪？」等。
關愛座
「關愛座」又名優先座，是指公共交通工具營辦商劃定座位予有需要人士（長者、孕婦、抱著嬰孩、行動不便的人士等），亦鼓勵其他乘客讓座予有需要的乘客。 港鐵於2009年10月開始逐漸在列車車廂近車門位置劃設關愛座，但有關座位並非專為標貼上描繪的特定人士而設，一般乘客理論上亦可就坐，並應在遇上有需要人士時主動騰出座位，但並非強迫性。