本網不時報道的士或私家車變為「運貨車」，最新網絡流傳一張照片，一輛掛有中港牌的七人車，在車尾竟然放有多塊磚頭，情況勁誇張，引起網民討論，更被網民揶揄。
中港牌七人車變「運貨車」磚頭塞爆車尾
據網上社交平台流傳照片所見，該輛掛有中港牌的七人車，其車尾放有近百塊磚頭，重量不少，後轆亦似未能夠負荷；車上亦沒有保護措施保護磚頭，若發生意外，磚頭掉出車外或向司機位掉落，後果不堪設想。
網民揶揄：賺埋都唔夠整車
事件引起不少網民討論，有網民揶揄車主，指這些磚頭可能是金磚，故要親自搬運，亦有人不理解為何不租貨車使用，「真係搬磚」、「好多磚材」、「專車專才嘅專車」、「私家車要好似重型車驗車般吊石？」、「啲油平，用七人車有數圍」、「尾重頭輕...上斜路、刹車。就....」、「大陸搬落黎？」、「莫非系金磚？」、「係咪彷德國磚」、「認真問，當你尾門玻璃有保護..條車軸同避震真係頂得住...？」、「痴X線！呢轉收好撚多錢呀？賺埋都唔夠整車」、「真XX，唔係徦」、「架車啲避震玩完鳥？」、「內有乾坤唔通話你知咩？」、「唔好話比人知裏面其實係金條」、「搬石頭砸自己腳」、「好危險，冇brake。」、「第一眼睇以為銀紙磚…」。