香港人多車多非常繁忙，但因有部分駕駛人士不守法擾亂交通，最終引起不少笑料，更變成「馬路炸彈」！日前一名司機在公路在不掛車牌逆線行走，更在別處撞人貨車尾，惹起熱議。
「馬路炸彈」四圍走唔掛車牌逆線行
一名車主在周三（8月27日）於社交平台發布一條車Cam影片，顯示於當日下午5時許，在葵青一帶行駛時，右邊行車線突然出現一輛黑色車，惟該司機在一輛的士行駛後，突然以逆線方向行車，嚇得片主在帖文寫道，「想睇後續」；片主又指，該名「馬路炸彈」車身前方甚至沒有掛上車牌，「前邊仲要係冇車牌」。
影片截圖：
有苦主現身指「馬路炸彈」撞貨車尾
其後，帖文在網上廣傳，有苦主現身表示，這名「馬路炸彈」當日原來在青衣西路落斜時，不慎撞到前車，令其貨車受災，「佢岩先3點幾果陣系青衣西路落斜路先撞完小弟架貨車；佢先撞van仔再到me」。而苦主又貼出影片，引起討論。
苦主現身：
網民：路係自己行出嚟
事件引起不少網民熱議，有人笑稱「路係自己行出嚟」，亦有人估計「馬路炸彈」是大陸換牌，故不熟悉香港道路，「咁快現眼報」、「路果然係人行出黎」、「導航話第三個路口出 我一定要信」、「完全係覺得自己岩晒」、「又係當咗馬路係自己屋企，鍾意點行就點行」、「你哋全部行錯方向」、「又嚟中港七人車翻版」、「希望呢條友收返個牌啦，唔好出嚟害人喇」、「打晒左燈啦，仲想點！」、「意外製造者，要終生停牌」、「好想扭左睇埋落去」、「真係諗唔到嘅，佢都做到」、「佢個車牌真係考番嚟？大地任佢行」、「送佢一程！」、「我真心想睇後續」、「個導航應該同佢講第三個出口出，佢照數」、「佢真係唔識㗎喎」、「仲以為自己去咗泰國」。