網上經常有分享迴旋處／螺旋處相關的車Cam影片，最新在馬鞍山亦出現一宗搞笑失誤，一名司機在迴旋處欲「Cut線」越過巴士時，失誤打白鴿轉，「𤓓爆」過程被放網上熱議。
馬鞍山司機迴旋處失誤打白鴿轉
該則車Cam影片於周六（8月16日）拍攝，片主發帖文寫道，「個牌唔知佢點考返嚟…」。據影片所示，當時於馬鞍山西沙路寵物公園對開迴旋處，一輛私家車在迴旋處欲「Cut線」越過一輛九巴巴士時，車輛失誤打「白鴿轉」，其後反方向停於右邊線道。影片完結。
影片截圖：
網民嘲：個牌淘寶考返嚟
影片引起不少人熱議，有人認為該司機應該報讀駕駛改進課程或補鐘，亦有人與片主一樣質疑司機到底如何考取車牌，甚至有人嘲會否是淘寶購買，「打慣GTA，係咁樣㗎嘛」、「天才」、「考牌冇考迴旋處/螺旋處？」、「頭號殺手」、「膠手在民間」、「車牌用雞髀換返黎？」、「首先入圈時入錯， 第二最錯係硬cut， 唔得就兜嗰個圈law，你咁樣cut線法, 100條命都唔夠死.....」、「以卵擊石?」、「以為自己小鋼炮。。點知原來係樣衰到爆。點會係最內圈咁出。」、「唔係P牌都咁?」、「以為自己好快，以為自己CUT巴士好威。完。」、「其實很多司機都是這樣駕駛，明明可以在巴士後面過，但就一定要比速度係巴士前面過，好多時巴士都要收晒油讓這種人。」、「個牌似係淘返黎」、「哩個位大把人內線直插出去、又係一個搵食位」、「要考牌嘅咩？上淘寶有啦」、「呢啲真係馬路炸彈」、「點解一定要响人哋車前過呢？」、「連巴士都快唔過，標準答案都係撘巴士啦！」、「急就輸咗」。