上水一間便利店外發生一宗「家庭糾紛」事件！網上社交平台流傳一則影片，兩名疑為父子的男子，在一間便利店外爭執，其間兒子一度用力拉扯其父，並要求他為其充值。
阿仔狂扭老豆「幫我充五舊水」
據網上一則長約2分鐘的影片所見，開首先有一把女聲在通電話，並疑似在報警，她說，「私人糾紛，兩仔爺喺便利店門口」，其後女士指「已報警」。
影片截圖：
街坊睇唔過眼報警
至於父子面前亦有兩名保安在場，並一直勸籲兩人冷靜，但兒子未有理會，反而一幅非常生氣的樣子向着父親大呼「幫我充五舊水」，亦一度推撞父親。而一旁的路人見狀立即叫停並稱，「你唔好推你老豆啊下」。
等候警方到場其間，兒子再多次想搶父親手中的東西，又踢走父親掉在地上的袋子；兒子又不停威脅父親說，「你唔幫我充我就唔讀書」，惟父親冷淡回應，「我話之你唔讀」，然後又用力捉住父親，父親不停推開。最後影片結束，未知後續如何。
網民狠批兒子唔生性
不少網民看完片後，狠批兒子「唔生性」，亦有人認為父親沒有好好管教兒子，因此淪落到這個下場，「正宗充你老豆」、「打機打到有病態，唔睇醫生唔得」、「而家都咁，遲下攞刀斬老豆都似」、「之前太放縱個仔」、「好明顯個仔有D問題吧」、「要搵社工跟進」、「老豆被趕出屋企只是遲早事」、「日後仲有大把呢啲人」、「細時唔教，現時難攪。」、「好唔聽話，發錢寒」、「識生唔識教，自己申請的」、「個仔好唔生性」、「打機上癮，已經病態」、「真係來攞債」、「牛高馬大唔搵工？」、「一睇個細路就係有SEN啦」。