超強颱風樺加沙來勢洶洶，天文台周二下午已改發八號風球，又指周三較後時間或改發更高熱帶氣旋警告信號。市民為防物件受破壞，都用膠紙貼好，有網民更拍得有Tesla車主怕吹爆車窗而貼好膠紙，引起熱議。
Tesla車主怕打風吹爆車窗痴膠紙
據網上流傳照片所見，一輛Tesla私家車的車主疑因怕颱風來襲吹爆車窗，因而採用平常用膠紙貼好窗門的方法來貼住車窗。
照片中可見，司機在車後的窗上大貼一個米字型的膠紙，而周邊環境所見，私家車應該是停泊於停車場內。
網民笑稱：泊室內使乜咁驚
颱風天令市民緊張，但這位車主的行為卻引起不少網民熱議，有人認為停泊於停車場內應該不會令汽車受損，所以認為車主多此一舉，「風吹唔爛，但會撞爛。」、「賽車二百幾公里風壓都未會爆！你仲係泊室內使乜咁驚？」、「其實車主想話俾人知，佢搶到膠紙姐」、「清潔呀姐搞錯左，叫佢癡隔離度玻璃門呀」、「都話考車牌要考埋智商㗎啦」、「呢位仁兄真係冇嗰樣整個樣」、「喺室內停車場，鬼就搵到幾隻，風真係一滴都無」、「有乜用？一粒石仔咪又係爆，裂左唔通唔換」、「果然係對呢啲司機理解不能」。
相關新聞：
颱風樺加沙｜屯門狠心主人八號波前夕「棄養3貓」 動物組織：自私賤格
颱風樺加沙｜將軍澳海濱海水倒灌浸地面 杏花邨水位高漲海浪全湧地面