公共交通車廂向來是市民百態交織之地，近日一段九巴車廂內的短片在社交平台瘋傳，內容涉及一名年長女子因言語過於嘈吵，被一名男士要求「收聲」，結果竟演變成一場「報復」事件，後續更引發網民爆笑留言成為熱話。
九巴車廂阿婆太嘈被勸靜音疑不滿
發文者在社交平台寫道，「事源個阿婆喺度嘈，一開始阿叔頂唔順已經X佢，互X咗成分鐘之後已經收晒聲。阿婆趁阿叔落車（可能條氣唔順）又再X多次，阿婆喺度嘈嘈嘈真係頂佢唔X順，叫佢收聲佢都唔知錯，仲俾佢鬧返轉頭。」
事發於一輛行駛中的九巴車上，片段所見，一名阿婆在車廂內高聲講電話，聲量驚人，引來乘客側目。一名坐在附近的男士忍不住出聲：「阿婆你可唔可以收聲呀？」語氣雖不算粗暴，但明顯帶有不滿。阿婆聞言即時反擊，怒斥男士無禮。
影片截圖：
後續向學生擲石反擊引熱議
下車後，阿婆竟拾起地上細石向男學生擲去，場面一度混亂。發文者指自己亦有在巴士上與阿婆口角，下車後便遭遇被擲石情況，「落咗車之後仲要執石仔掟我，（係咪可以告佢傷人？），抵佢死惡人有惡報，買個秋菜跌咗落地碌，成件事好好笑」。
他的朋友又放出另一角度的影片，可見男學生被擲後並未退縮，反而冷靜地回應：「你擲我，我報警啦。」阿婆聞言頓時語塞，匆匆離開現場。
網民力撐男學生
網民對事件有很大反應，有人支持男學生勇敢發聲：「終於有人敢叫阿婆收聲，真係民間英雄。」；亦有人笑言：「阿婆擲石，學生報警，惡有惡報，堪稱港版《復仇者聯盟》。」、「唔出聲，跟撚住佢返屋企，佢仲驚撚過你」、「阿叔鬧佢嗰陣時佢就收聲，你鬧佢嘅時候就追住你嚟揼」、「條鐵都板板聲：果然寶刀未老，中氣十足！」、「當年大衛用石仔掟死巨人，佢咁樣算唔算企圖謀殺」、「又嘈又論盡又鄉音，點解呢啲人仲未絕種」、「石仔掉你，仲唔報警，攪9吓佢都好。」、「有無中都好，即刻訓低報警，玩到佢叫救命」、「阿婆幾滑稽，一路嘈一路執餸，再嘈今晚餐飯就無」、「老人家，好心留返啲氣啦」、「有哂片加埋證據，夠料可以報警」、「告得傷人17，唔一定佢攞石仔掟中你先至可以告得傷人罪」、「有意圖傷人，報警」、「冇事啦，過多幾年就死㗎啦」、「大癲！可以提告」。