港鐵站等車期間驚見四腳蛇？近日有網民在網上發文，指在港鐵等車期間，發現前方一名男士，身上竟長了一條四腳蛇，但後來發現為「流嘢」，結果帖文在網上廣傳，引起熱議。
港鐵站等車前方男士身上驚見四腳蛇
多個社交平台最近流傳數張照片，指一名男士身上有一條四腳蛇。該帖文寫道，「話說同朋友等緊車，見到前面條友，身上有隻四腳蛇，諗住行去提下佢，行近d（啲）睇發現，X，流嘅。」
據該三張照片所見，該名男士身穿一件白色裇衫，從他的背影看見，白色裇衫的中間部分，疑有一條小昆蟲出現，仔細看原來是一條俗稱「四腳蛇」的壁虎。而「四腳蛇」像真度非常高，疑幻似真，令帖主以為遇上真昆蟲，甚至想提醒男士，惟後尾發現只是圖案。
「四腳蛇」原來係「流嘢」引網絡熱議
這件搞笑衣服引起網民熱議，有網民指，許多年前已有看過這款設計，亦有人表示想購買，因非常有趣，更指是識女仔必備恩物，「幾有趣」、「冇錢買Lacoste ，又冇錢買 Crocodile，唯有買Gecko（壁虎，四腳蛇）」、「兜頭拍落去啦」、「好有幽默感」、「係幸運戰衣」、「三十年前Salem（沙龍）已經出過，我都買咗一件」、「佢買呢件衫，都係等你呢個反應，佢今日見到呢個post應該開心到爆」、「溝女必備戰衣」、「早嗰排唔係有人着件衫有好多曱甴？可能係同一個collection」、「我隻狗見到會抓爛佢背脊」、「哈哈，好攪笑呀」、「Fashion嘅野我哋識咩呀」、「件衫既設計成功了」、「人中之龍」、「搭地鐵好啊，啲人唔夠膽行得咁埋」、「個design 好掂呀」、「這個可能係今年度最有趣的post」。