網上流傳影片，顯示一名男子疑在駕車駛經港珠澳大橋隧道段時，將雙腳放在軚盤上方，引起網民熱議。
有網民在Facebook上傳影片，表示「CXS 咁樣開車」。
男子駕車駛經隧道時將雙腳放在軚盤上
從影片可見，一名男子駕車駛經一條隧道時，將雙腳放在軚盤上方，並僅用一隻手扶著軚盤。片中對話曾提及「港珠澳隧道」，事發路段疑是港珠澳大橋的隧道段。
網民：戇X當有型！
影片引起網民熱議，表示「戇X當有型！」、「唔好害人 」、「其實咁樣仲攰 」、「知啦型啦」、「傻X」、「俾埋條命佢玩」、「等睇拉佢危架」、「咁開舒服咩？戇X」、「好X叻呀！害死人呀！廢柴」。
有網民則疑惑問道「唔使踩油門架咩？ 」，有人推測指「應該開咗定速 」，亦有人猜測涉事汽車的型號，稱「Serena C26，佢開左定速」。