屯門驚現「都市陀飛輪」跌出馬路意外。周二（10月21日）上午11時許，一輛重型貨車沿屯門公路右轉進入屯興路時，車上綁載的一件「陀飛輪」狀建築物料疑因繩索斷裂，突然從車尾跌落馬路，撞毀路邊欄杆並阻礙行車線，現場一度交通受阻。
啟德去年曾發生同類事故
翻查資料，去年6月24日，啟德承豐道與承啟道交界亦曾出現相似情況。一件直徑逾兩米的巨型金屬建築物料從貨車上滑落，橫亘馬路中央，所幸未造成傷亡。當時涉事貨車停在承啟道，車上仍載有另一件相同「陀飛輪」。
網民：死神來了？
事件引起網民討論，有人表示非常恐怖，指以為死神來了，亦有人關注大車載貨安全問題，「運輸哥哥，跌咗嘢試吓唔好執吖」、「都市陀飛輪，可能會成為下一個打卡新景點啦」、「政府對於大車載貨安全問題，漠視不理，執法寬鬆」、「離Q晒譜啫，分分鐘害死人」、「交通警在那裡？」、「呢啲貨車司機正PK呢架」、「原來爆旋陀螺真係會死人」、「咁樣擺貨死得喇，落多兩條鐵鏈都懶」、「我見到佢用條帆布帶勾住咋，車上放滿其他物件睇唔到，佢有乜嘢位置可以放穩妥？事後司機又失蹤咗，又見唔到有警察，差唔多十五分鐘」、「如果斜坡，唔知瓜幾多。」、「馬路炸彈！使用道路者不安全了」、「死神來了咁」、「司機沒有安全措施拖行吧。」。