葵涌日前出現一名奇怪男！有網民在網上發文指，在葵涌一帶不時看見一名男子專搵街坊除鞋摸腳，更形容他「望人腳板底」，引起網民討論。
葵涌奇怪男出沒「專望人腳板底」
有網民在網上發帖文，講述近日所見所聞，「葵涌區注意此人，經常於晚上六時半至七時出現於葵涌運動場至葵盛泳池一帶。會問人着幾號鞋，然後作出以下行為。」
帖主又上載數張照片及影片，可見片中有兩名男子，其中一名跪在地上的，相信就是「奇怪男」，另一名赤裸上身的則是一位男街坊。片中，「奇怪男」不停摸着男街坊的腳，又提起其腳板底仔細看。
網民：學張無忌？
事件引起不少網民討論，許多人表示曾在各區見到此名男子，又指男子疑在進行構成騷擾，亦有人將兩人畫面形容成《倚天屠龍記》中，張無忌摸趙敏的腳板，「學張無忌？」、「我係港島區試過三次，
三次相隔好耐，次次都耐到記憶reset 左，都係問腳幾大，著幾號鞋。」、「其實我每次都中招，係因為成個過程您並不會覺得有咩古怪，對方亦好禮貌，我什至一開始仲以為佢想買鞋比人，但唔知size。」、「唔記得係咪呢條友，廿年前都係維園附近出沒過，當時我著短褲拖鞋行緊，佢係我後面走過嚟，話你對腳好大，好靚！」、「佢咁鍾意摸人隻腳，梗係順便去做腳底按摩啦」、「呢條友其實已構成騷擾！」、「呢條友好出名！我記得佢連中學生都唔放過！幾年前已經睇到有人post過佢」、「我唔知係咪同一個人，但二十幾年前我仲係小學生既時候，係青衣既公園發生過。」、「搭巴士唔知佢坐咗過嚟，佢拎起我隻腳除我鞋話幫我按摩，好彩嗌咗唔使」、「之前係大窩口區都撞過 叫我比對襪佢」、「有晚係金鐘襟atm果時佢走埋來問，比佢嚇X死以為打劫」、「想報警了」、「戀足癖的人」。