七人車驚見車尾箱「屈蛇」？網上社交平台流傳一張照片，帖子題為「嚇鬼啊呀叔？」。據照片所見，一輛客貨車（貨Van）在高速公路行駛時，後車貨Van尾箱驚見有3名成人坐內。
貨Van車尾箱「屈蛇」藏3男
從照片上可見，眾人神情自若，甚有警覺性，而當時車輛正於路面行駛，危險性甚高，於行車期間及一旦遇上交通意外時，將構成嚴重安全風險，有網民更認為有超載之嫌。
網民笑稱：省港奇兵定返咗印度？
事件引起網民討論，不少人留言「好搞笑」，也有人指超載非常危險，「笑左，我以為嗰啲車尾玻璃貼紙」、「你睇我唔到我睇你唔到幻覺來既（嘅）」、「黑工人蛇？」、「又黎歡樂滿東華」、「唔知以為去咗印度」、「工友收工啫！」、「有無戴安全帶」、「車尾無安全帶，唔驚比你罰」、「好搞笑」、「超載WOR」、「阿叔心唸：你睇我唔到，你睇我唔到」、「直擊靈魂深處嘅凝視」、「我之前都見左一次，不過係4個小朋友。當時夜麻麻真係不自覺感“X”左一聲，然後我哋成車都笑死左」、「炒車死咗又話好爸爸」、「已經犯法」、「省港奇兵落嚟做嘢呀」、「省港奇兵定返咗印度？」。
超載即屬違法
根據香港法例第240章《定額罰款（刑事訴訟）條例》所示，任何司機載客超過車輛牌照上規定的數目，即屬違法，除非領有超載許可證，超額載客可被定額罰款港幣450元。
此外，超載也可能違反「第三者保險」條款；本港法庭亦曾在不少案件中判定駕駛超載的車輛，是屬於「危險駕駛」，根據香港法例第374章《道路交通條例》 中第37條所指，最高可被判處罰款港幣25,000元及監禁3年。