繼早前有便衣警員「放蛇」檢控未佩戴安全帶乘客後，近日再有小巴新奇現象引起網民熱議。有市民在社交平台 Threads 上載照片，顯示車廂貼出手寫告示，內容寫道：「如要落車，請按鐘落車，大聲啲落車，多謝合作」。一句「大聲啲落車」令網民摸不着頭腦，紛紛留言揣測其意思。
網民反應：落車要「嘭嘭聲」？
帖文發出後，不少網民留言調侃：「大聲啲落車係乜嘢玩法？落車要落到嘭嘭聲咁？」、「踩爆車廂地板？」更有人笑言：「喺車門位大聲講：等我落車先！」
疑似寫漏字：原意或為「嗌落車」
部分網民認為，告示可能寫漏字，原意應為「請按鐘落車或大聲啲嗌落車」，提醒乘客若按鈴不果，需口頭通知司機。亦有人指出，部分舊款小巴的按鐘系統不靈敏，司機未必即時察覺，故司機貼告示作雙重提示。