一名女生最新於網上社交平台threads發帖並且附上手機視頻，指12月24日凌晨乘搭往油塘的214號九巴時，於車廂座位撿獲其他乘客下的手機，交予司機處理但司機以「站長收晒工」等理由拒絕，更反被斥責，無奈之下只能代為保管並且發帖尋找手機失主。
該手機視頻中可見一名女生趁巴士司機停車時，走到車頭把從巴士座位拾獲的手機轉交司機處理，表示「唔該，有人漏咗手機喺後面啊」，司機回應表示「你一係交畀差人啦，好無，我唔係站長嚟㗎」，該女生其後表示「我（要）同你講聲㗎嘛」，並且示意放下手機交給司機處理，但司機反問「擺喺度啊？」，該名女生表示「因為我有嘢做，咁我無可能交畀……」，司機再反問「交畀邊個啊？我無理由帶返屋企㗎！」，女生表示「你可能返巴士總站要交低」，但司機仍然拒絕處理該失物，聲言「交低邊個啊？收晒工啦我哋……嗰啲站長！」，女生唯有自行處理，司機則表示「啱啦，啲站長收晒工，我又唔可以帶返屋企，我帶返屋企我唔啱喎大佬！」，該名女生最後表示「我過嚟同你通知聲啫」，然後走回車廂內部，視頻至此結束。
事後該名女生在threads發帖尋找手機失主，表示「有冇人12:23 am安泰邨嗰陣落車，漏咗部手機喺214往油塘嘅巴士」。
事件引起網民熱議，大部分網民也認為該名司機處理不當，留言表示「淨係睇片都戥你唔忿氣」、「你已經做得好好啦，係個司機X，唔好理佢！你好叻女」、「黐線，有人漏電話，佢有責任管理，而家唔做不特止，仲要鬧乘客？」、「有時好心做人都咁難」。
《公共巴士服務規例》
九巴表示，有既定程序處理失物，對於個別車長懷疑未有按照指引處理失物，公司十分關注，並正調查事件。
根據《公共巴士服務規例》（第230A章）第15條，任何人發現任何意外地留在任何巴士內的財物，須立即將該財物以其被該人發現時的狀態交予售票員；如該巴士沒有載有售票員，則交予司機。而根據《公共巴士服務規例》（第230A章）第16條，巴士司機須盡快（無論如何亦須在12小時內）將該財物和將按照《公共巴士服務規例》第15條交予他的任何財物，以他獲得該財物的管有時該財物狀態，交予有關專營公司或該專營公司授權接收該等財物的該專營公司僱員，而該僱員須就該等財物向售票員或司機（視屬何情況而定）發給收據。任何人無合理辯解違反第15條或第16條條文，即屬犯罪，可處罰款2000元。