長者一直是電騙高危群組，近日有網民在社交平台分享，於銀行目擊一名老婦疑遭「假入境處官員」騙徒指示，準備在存款機轉帳，幸得銀行職員機警介入，成功阻止並代為報警。
老婦疑墮「假入境處官員」電騙
帖文指出，事發於本周一（29日）在某銀行理財易中心，拍攝者上載照片顯示，一名老婦正操作存款機，旁邊有銀行職員注視。據樓主描述，職員不斷詢問：「您識唔識收款嗰個人？」老婦卻支吾以對，只提及「入境處」，疑似墮入騙局。樓主感嘆：「政府宣傳咁多，仍有人中招，大家要多關心屋企老人家。」
網民關心事件後續
事件引起網民熱議，不少人追問後續，樓主回應：「職員冇教佢入錢，仲報警，最後帶婆婆去櫃枱，我冇跟去。」相信在銀行介入下，老婦未有成功轉帳。網民紛紛讚揚職員：「好彩職員救咗個婆婆」、「唯有靠銀行職員，街外人講佢哋未必聽。」
同時，討論亦延伸至長者防騙問題。有人留言：「多啲關心老人，唔好比佢哋成為詐騙餌」、「唔係唔想關心，但好多老人信外人唔信自己人」、「電視、收音機都有講，仲有人完全唔聽」、「救到一次救唔到第二次」、「獨居老人資訊落後，幫佢報警都未必幫到。」
至於警方及銀行業界提醒，市民如遇懷疑騙案，應即時停止交易並報警，並呼籲家屬加強與長者溝通，避免成為騙徒目標。