坐巴士遇上「小強」都咪話唔驚！日前有網民在社交平台發帖文，指自己坐巴士時，窗邊突然出現蟑螂，心如死灰的他更因「成架車full晒」而跑不掉，非常可憐。事件亦引起網絡討論。
乘客：成架車full晒走唔甩
有網民於社交平台發帖文及影片，寫道，「唔知幾時開始九巴變得愈嚟愈污糟。成架車full哂⋯走唔甩⋯」。從該位乘客發布的影片所見，他當時正坐近一個靠窗位置，而窗邊有一隻會動的小蟑螂在爬行，非常恐怖，但因位置被其他乘客坐滿，因此他無法移動，只能在原位坐着。
網民關注巴士清潔度
事件引起網民討論，不少人關注巴士內的清潔度，亦有人質疑是否其他乘客欠缺公德心，導致有昆蟲寄居車廂內，「咁就要問下點解咁多人中意喺巴士度食嘢又唔帶走啲垃圾」、「點解你仲可以咁冷靜影佢…….」、「鬼叫咁多人認為係巴士食野無問題呀」、「我見過一次
，嚇到我即刻走去企，用app報返車牌希望佢哋加強清潔」、「巴士都有得走，坐小巴見過幾次，走都冇得走呀陰功」、「以前記得總站有清潔姐姐，依家….？」、「我試過見到小強係咁縮開，隔籬位個先生好好人幫我用紙巾整死佢！」、「我試過拉安全帶嘅時候，拉咗隻曱甴出嚟」、「我之前都試過 即刻落下層企」、「其實架車系街度行，又會泊系街邊，有小強爬左上去都正常」、「好耐之前都遇過，整死咗，但唔知仲有幾多兄弟姊妹」、「試過爬係隻腳到，都試過見到一堆強係坐位下面d窿窿罅罅爬出嚟」、「上次見到， 即刻落去企位算」、「我上次都有見到，跟住佢就捐咗入個窿」、「我都遇過幾次，係咪無清潔的」。