美國與以色列日前「聯手」向伊朗發動襲擊，伊朗其後反擊，戰火波及其他中東地區，局勢極為緊張。而本港亦有多名人士身處杜拜，有人就拍片直擊當地情況，超市竟然「0人搶購」？
港人直擊杜拜導彈夜超市「0人搶購」
一名原定結束旅程返港的港人「昇仔」在Threads上發帖文，表示旅程因一場突如其來的空襲而打亂，指自己跑完玩多兩日就飛返香港，但2月28號夜晚伊朗導彈卻攻打杜拜；又指自己目睹伊朗導彈橫空，而因機場封鎖，現被迫滯留杜拜至3月9日。
影片中可見，無論是水、牛奶、麵包、米，甚至是零食、朱古力、肉類還是鮮魚區域，貨架全部堆得滿滿，當地人悠閒購物，氣氛輕鬆到彷彿什麼事都沒發生。
事件震驚不少香港網民，指中東市民都「冇野好驚」，「證明人民好相信政府，好相信國家既防禦設備」、「睇片見到杜拜既導彈防禦系統，真心驚訝...人地真係一副..驚你有牙，我夠有囉...既勢黎回應，而且已經唔係第一次，人民都知國家能力去到邊。」、「附近國家全部都中招，驚都冇用，都冇得走。」、「杜拜本身基建都好又有油王頂住，普通人冇野好驚。」、「危機感似乎有啲低...」、「比着香港應該大混亂乜都搶」、「仲冷靜過香港打風個陣」。
另有其他同樣滯留的港人，亦有分享半夜被警報驚醒經歷，酒店住客雖然都聚集到大堂，但形容秩序良好，大家都保持冷靜。