青馬大橋今早（3月12日）發生嚴重交通意外，涉及超過10輛車串燒相撞，現場一度造成多人受傷及行車線封閉。網上流傳車Cam影片，可見一輛白色Tesla停下後，後方私家車因收掣不及，從後高速撞上Tesla車尾，撞擊畫面震撼。
青馬大橋10車串燒事發一刻曝光
網上流傳車Cam所見，拍攝者車輛行駛於往機場方向快線時，前方路段疑因已發生事故致車龍，白色Tesla已經停低，車尾燈亮起。其後，一輛私家車因未能及時制動，直線撞向Tesla車尾，尾部明顯被撞至變形。
10車串燒新聞掀起熱議
影片曝光後，各大討論區及社交平台即刻掀起熱議，有人批評後車未能保持車距，也有人質疑前方突然停車，「收掣不及係大忌，玩命呀？」、「橋上視野咁開揚，唔應該撞到咁犀利。」、「安全車距唔係講笑。」、「Tesla突然急停，後車真係未必反應到。」、「如果前面出事，應該提早打雙黃燈提醒後車。」、「青馬大橋一塞就好多車亂cut line，意外自然多。」。
根據警方資料，整宗事故涉及10車，有車輛更翻側，至少9至10人受傷，其中兩人曾一度被困，隨後獲救離開。其後運輸署表示，青嶼幹線（青馬大橋）往機場方向快線一度封閉，期間巴士服務需要改道或延誤，道路於中午前逐步解封，橋面交通回復正常。