網上社交平台threads昨天 (3月22日) 流傳一則帖子並且附上手機視頻及圖片，帖文表示：
「警世！全能嘅threads幫我推到全香港都睇到！！有片有圖有真相，大家真係要小心保護自己，頭先23:15左右係西鐵，有個男人摷我條裙！！ 左手摷緊，右手部手機唔知係咪錄緊片，架車廂咁多位佢企埋嚟已經覺得怪怪地，我tun出啲佢又繼續逼埋嚟，跟住開始feel到啲野，但佢揹住個大袋，以為係佢個袋撞到我，但越嚟越唔對路，所以我越tun越出，我一走開，佢即刻係荃灣西落車！！ 後尾對面有個叔叔問我係咪比佢搞，佢話佢見我彈開佢先見到，但我個時好驚又以為自己feel錯野所以無出聲，佢淨係摷條裙又無揸落嚟，好驚佢係影咗我相，後尾落車有個女仔同我講佢拍咗佢片，因為原來佢都比佢摸咗，但佢太驚最後真係好多謝呢個女仔，見到你眼濕濕都知你好驚，好彩你好醒目拍到片，推到全香港見到呢個鹹濕佬！！無論係男定女都要小心保護自己，幫推！！！推到X街！！！」
其後有網民疑似認出該名涉事男子，留言表示「佢係中大崇基」的學生。
該視頻中可見在港鐵滿座車廂內，一名身穿藍色上衣染髮及微微曲髮的戴眼鏡男子，把手機靠向旁邊黑色短裙女子的裙底並且其手指有所動作，疑似正在偷伯裙底春光。
據了解，涉事兩名女乘客商量後，最終於昨日（3月23日）一同報案，案件列作「非禮」處理，交由深水埗警區刑事調查隊第一隊負責調查。
網民：咁猖狂
事件震撼網民，不少人留言並且表示「真係多謝個女仔有影到」、「…..咁猖狂」、「摸完一個又一個」、「下，就咁睇片，差啲以為係識，竟然係唔識」、「報警，再報東張」、「有片真係好好彩，有證據可以報警」、「認住條X街仔」等。
「窺淫」罪
據了解，根據香港法例第200章《刑事罪行條例》第159AAB條，「窺淫」罪是指如 —— (a) 任何人(上述人士)暗中 —— (i) 觀察 (不論有借助或沒有借助設備) 某名個人，或拍攝某名個人，而該名個人所處的地方，屬身處該地方的個人按理能被預期可能會裸露、露出私密部位或進行私密作為者；(ii) 為了觀察或拍攝個人的私密部位或私密作為，而觀察 (不論有借助或沒有借助設備)某名個人的私密部位，或某名個人進行私密作為，或拍攝某名個人的私密部位，或某名個人進行私密作為；或 (iii) 為了性目的而觀察 (不論有借助或沒有借助設備) 某名個人，或拍攝某名個人；(b) 在 (a) (i)、(ii) 或 (iii) 段所描述的情況下被觀察或拍攝的個人 (事主)，處身於令人對保存私隱有合理期望的情況；及 (c) 上述人士不理會事主是否同意被上述人士觀察或拍攝，上述人士即屬犯罪。一經循公訴程序定罪，可處監禁5年。