社交平台近日有網民在連鎖壽司店壽司郎用餐期間，發現再有同場食客浪費食物，點壽司後只吃魚生，遺下大堆米飯「堆飯如山」，引發其他網民熱議狠批浪費食物行為「折墮」。
網民在Threads發帖分享鄰桌用餐後照片，可見涉事客人點了接近20碟壽司後「疊高」，但卻遺下大堆米飯於高處，檯面亦留下多張用過的濕紙巾。樓主形容「啲人就係咁，唔食個飯都要叫壽司」、「佢唔似食唔晒，佢似係淨係食舊魚唔食飯」。
不少網民批評浪費食物行為，「唔係癲，係X街，嘥晒啲飯，食唔到就咪X叫啦！」、「其實有少飯版本，點解要咁又唔係食得多」、「故意食到噉都衰㗎啦！」。亦有人批評「食淨飯冇意見，但食得好肉酸。點解唔係放近枱面，反而要放咁高」。
有網民提倡店方應讓食客選擇走飯或淨刺身，並建議收取懲罰式費用以阻止「大嘥鬼」行為，「壽司郎應該在menu內俾多一個選擇，就係壽司走飯！」、「壽司郎要考慮唔食一舊飯要逐一收費」。