粉嶺龍山隧道周日（6月21日）早上發生驚險交通意外，一段車Cam片段今日（6月22日）在網上瘋傳，顯示一輛電單車疑未及時反應，直接撞向停在快線的私家車，衝擊力驚人，車身幾乎解體。
粉嶺龍山隧道電車單「零減速」
從車Cam畫面所見，事發地點為隧道內，一輛私家車停在隧道快線，車尾亮起紅色「死火燈」，車身已盡量靠右邊牆邊停泊，一輛電單車高速駛至，未見明顯減速或閃避，直接猛撼私家車左後方。其後，電單車翻側，前輪飛脫，大量碎片散落隧道地面，鐵騎士被拋出遠處倒地。
鐵騎士猛撼壞車後飛出15米
警方表示，涉事電單車由一名25歲姓潘男子駕駛，事故後鐵騎士被拋飛約15米，手腳擦傷，司機報稱頸部疼痛，清醒送院治理；至於涉事61歲女司機未有受傷，於現場協助警方調查。
事件曝光後，不少網民留言批評電單車駕駛者，「死火燈都開晒仲撞埋去」、「望都唔望前面」、「好似冇煞車咁直衝」、「可能分心睇電話」；亦有留言指出，「就算壞車，都留咗位置避開，唔應該撞」。