網上近日流傳一段車Cam片段，拍攝地點位於將軍澳隧道出口附近。一輛黑色私家車疑因錯過路線，竟突然由左側支路位置強行切出，橫跨雙白線插入主行車線，嚇得後方車輛即時收油避讓，險釀交通意外。
將軍澳隧道出口驚現「神級逆線」
片主於網上發文表示：「將軍澳隧道落斜，呢排興咁樣……」短短數秒影片隨即引起大批網民熱議。從影片可見，事發路段屬將軍澳隧道出口方向附近，現場設有清晰雙白線及交通指示牌。當車Cam車輛沿正常車道落斜行駛時，一輛黑色私家車突然由左側限制區域逆線駛出。
畫面顯示，涉事私家車車頭先伸出路面，隨後未有等待安全空隙便直接逆向駛入主線，更一度跨越雙白線位置切入前方車流，車主若反應稍慢，隨時發生碰撞，而整個過程不足數秒，但驚險程度十足。
黑色私家車逆駛橫插主路惹討論
影片曝光後，引起大批網民留言討論。對於片主最終選擇減速避讓，亦有不少網民認同做法理智，因認為道路安全始終比一時之氣更重要。有人直言：「呢啲要舉報啦。」，亦有人感嘆：「成個香港都興啦，已經唔係新鮮事」；部分網民質疑涉事司機根本心不在焉：「唔關部車事，係人問題，條友發緊夢。」
有留言批評：「要幾叻先做得出？」，亦有市民指出，若當時遇上大型車輛後果不堪設想：「如果係大貨車或者巴士，架私家車應該散咗。」另外，有網民認為涉及駕駛經驗不足：「香港道路標識問題，冇路面經驗嘅新手好容易行錯。」