屯門公路近日上演驚險一幕。網上流傳一段車Cam影片，一輛運載廢料的勾斗車在行駛期間，車尾突然跌出大型木製棧板（卡板），木板瞬間飛跌至行車線中央。拍攝車輛險險避過，場面猶如電影《死神來了》情節。
屯門公路「死神來了」一幕
從車Cam可見，事發時天雨路滑，拍攝車輛正沿屯門公路行駛，畫面中一輛黃色勾斗車於中線行駛，車斗內載有建築廢料及雜物，而後方疑有一個大型木製卡板豎立於車斗尾部位置。數秒後，該塊大型木板疑因固定不穩，突然從車尾飛脫，直接跌落行車線。
勾斗車突飛木板落路面 後車秒閃避
其後，有木製卡板跌落路中心後隨即彈跳並滑行，範圍幾乎橫跨整條行車線。而拍攝車輛與障礙物距離已相當接近，情況十分驚險。木板之後仍停留於路面中央位置，後方車輛需要即時減速及閃避。旁邊仍有大型貨櫃車及其他車輛高速行駛。
片主事後驚魂未定，他在帖文中表示，「死神來了，我差0.1秒大步𨈇過。後面都差啲串燒。要劏雞還神。」
影片曝光後，不少網民看後都替司機捏一把冷汗，引起網民留言。有人表示：「見到呢啲開篷勾斗車，我一定唔跟。」、「呢啲車成日冇遮冇掩。」、「左右都唔跟，夠距離即刻過佢。」；亦有網民驚呼：「師兄，真係大難不死，買返張六合彩啦。」