「人肉霸位」在香港越來越常見？！ 深水埗女觀眾據理力爭爭贏個位 上水觀眾見義勇為擊退…

在香港揸車，街頭搵泊位簡直比登天更難。好不容易找到一個位置，正準備泊入時，竟然有個人衝出來霸住車位？！

《東張西望》觀眾辜小姐5月22日早上六時許，在基隆街遇上類似情況。現場泊車位本來是錶位，但卻有一名「靚姐」站在車位中央，聲稱車輛即將到達。「靚姐話『唔好過嚟、唔好過嚟，』咁我哋梗係唔理佢啦。」

「阿姨，你唔可以人肉霸位㗎喎！你架車仲未到呀嘛，我哋而家到咗先，你咁樣唔得㗎喎，犯法㗎喎！」辜小姐當時說，但對方不斷拖延，但已經等了好幾分鐘，始終未見有車出現。

「靚姐」似乎不斷打電話聯絡車主亦無人接聽，令辜小姐大為不滿。

辜小姐嘗試勸對方讓出車位，並表示自己急著要上班，但對方仍然不願讓步，甚至反拍辜小姐甚至「郁手」，辜小姐說：「我朋友見佢郁手，就話，報警囉！聽到我哋話報警，佢就轉個頭打個電話，就走咗去。」最後，辜小姐終於成功泊車。

但這種人肉霸位的現象居然時有發生，上水亦發生類似事件。5月24日下午五時許，在上水保榮路停車場內，報料者陳先生不是受害人，但睇唔過眼提供片段！

片段可見，陳先生離開泊位時，一名身穿黑衣的女子隨即站在車位中央，而此時，一輛貨van正準備泊入，但後方灰色寶馬卻強行插入車位，導致雙方幾乎有碰撞。

貨van司機與黑衣女子爭執，但女子態度囂張炮轟陳先生：「關你咩事呀？你唔好多管閑事喎。」現場市民提議報警，但該女子毫不在乎，「你哋咪報囉，我先唔驚呀！」。

她更突然使出奇招——叫救護車，聲稱自己被白色貨van撞到。救護車趕到後，她卻表示自己無事，不需要送院。最終，警方要求灰色寶馬離開，白色貨van成功泊入車位。

其實這種人肉霸位的行為不僅影響交通秩序，更可能違反法例。