為甚麼有婆婆在大叫？觀眾Sam向《東張》報料，他周六（9月14日）上午行經屯門景峰花園附近，見到一名男清潔工人故意推跌一位婆婆，更出腳大踢婆婆，畫面驚人。
東張西望｜男清潔工出腳「大踢」拾荒婆婆
據觀眾Sam向《東張》提供畫面所見，男清潔工人「突然出腳」，跌走婆婆的東西，婆婆向他大罵幾句後，該男子再回頭又踢多腳，將婆婆的紅白藍袋子踢開，其後再用大垃圾桶撞向婆婆身體，令他失平衡踢在地面。之後婆婆企起身大叫「救命」，而男清潔工人事後卻施施然回去垃圾房，到底兩人為何發生爭執？
東張西望｜兩人為爭裝修廢料爆爭執
觀眾Sam向《東張》表示，當時男工人為了一些裝修廢料爭執，「當時見到佢哋一開始有爭執、有推撞，雙方當時應該爭緊物品擁有權，所以兩人一直講『偷嘢、搶嘢』，兩個都非常激動，雙方處於非常嬲嘅狀態。」
觀眾Sam又認為是清潔工問題更大，「責任最大一定是清潔工，就算裝修廢料是婆婆在清潔工手上搶返嚟都好，都唔應該去傷人（婆婆）。」
東張西望｜街坊認為「不應動手」
《東張》攝製隊周日（9月14日）親身到現場，街坊都說如何都不應動手，「有些太過份...婆婆執紙皮都不是太阻人」、「我見過呢個拾荒師奶，喺度好多年了，佢平時都喺度（執）；可能周邊嘅嘢令佢（清潔工）做多咗嘢唔滿意掛」。