觀眾李小姐「報東張」表示，8月初一晚回家發現地板水浸且發出陣陣臭味。檢查發現是廁所污水倒灌所致，連浴缸和座廁都氾濫成災。
她立即上網找通渠師傅幫手。對方來到後，在廁所一番操作，指情況嚴重，因有硬物堵塞，他通不了。對方建議要找「勁啲嘅師父」。第二個師父到場後，指廁所被石屎堵塞，他可以搞掂。不過，李小姐認為對方開出天價，極不合理：「佢收咗我5萬5千元」。
對方又游說李小姐，通渠關大廈立案法團事，唔關業主事，意指立案法團會負責通渠開支。李小姐質疑通渠師父因此開天殺價 。
她又表示，由於上址業主長居英國，香港戶口無咁多錢，對方要求李小姐墊支，並保證會還錢給她。
李小姐於是墊支5.5萬元通渠費，渠通好後，但業主對費用不了了之，令她或因此負責全部費用。
李小姐認為通渠收費極不合理，究竟一般通渠點收費？裝修學院院長鄧世民接受東張主持黃耀英訪問時表示，通渠一般使用氣壓或水壓，若無須改喉，技術性低。他指，收費5.5萬元，等於重新整過成個座廁，開工一星期的費用，通渠一兩小時，無可能收咁貴。鄧世民又稱，平時幫人通渠一般收800，特別時間收多一倍，最收多兩倍，正常只要一兩千元。
東張主持致電涉事陳師父了解事件，但都沒人聽。李小姐表示，她「」報東張講出事件，想全港市民都知道，無論幾急，千萬不要讓無良通渠師父欺詐。