細心周到，做多一步，展現好客之道。有90後的士司機以專業態度服務旅客，從衣著到接載均做到一絲不苟，致力提升香港的士形象。他們分享「做多一步」的心得，以貼心服務為旅客留下深刻印象，為香港譜寫「好客故事」。
車廂內提供樽裝水、紙巾，又有齊各種電子支付工具 ，還有平板可以睇片解悶，司機，你都諗得好周到！ 司機：「做多一步，俾乘客感受到我哋好客一面，好小事啫。」
旅客來到香港，好多時都會選擇搭的士，既方便又快捷，的士司機的形象和服務，都可以說，直接影響旅客對香港的印象。
Cool Sir 是一位90後的士司機從業員，不要看佢西裝骨骨，以為他要接受訪問才「執正」自己。原來，西裝其實是司機日常開工的服飾！為何Cool Sir工作中仍穿着西裝呢？Cool Sir 表示，「一嚟係尊重返自己職業，二嚟係我想乘客上車後有新鮮感！最緊要係想佢哋坐返我架車。」
除了衣着，Cool Sir 又運用自己其他優勢，展現好客之道，「我認為不只的士上提供的服務，的士以外嘅嘢，我可以做到，都盡量滿足到乘客。」
對於好客之道，Cool Sir 都有些心得想送給行家，「其實好簡單，上車時多說一句『小心啲』、『落車拎齊嘢』，其實就已經好足夠。
Cool Sir 曾經在內地生活，熟悉內地文化，以及說到一口流利的普通話，好容易可以與旅客打開話題，展現人人都可以是旅遊大使。
有「好客司機」主動為旅客提供車上用品、載客過程又提供貼地景點資訊，還會不時提點乘客，連《東張》主持吳幸美都表示：「真的要俾個Like你，多謝你貼心又好客的服務！」。
不同行業都有他們的好客故事，下一集，就帶大家與做零售業的朋友傾下計啦！
