天水圍天瑞邨居民陳小姐向《東張+》報料，指自己昨日（5月9日）下午買餸返家，竟遇上無差別滋擾事件。
陳小姐表示，返到屋企時發現走廊中間放了一把打開的橙色遮，之後查看門口監察鏡頭，見到一班人正用遮大力拍打對面屋叔叔的門。當她準備回家時，更驚覺掛在鐵閘上的買餸車仔不翼而飛。後來她在後樓梯找到車仔，懷疑已被破壞，即時報警。
警方回應：冇嘢唔見做唔到嘢
據陳小姐指出，警方表示「冇嘢唔見，做唔到任何嘢」，叫她如果知道這班小朋友住哪再報警。豈料約六小時後，那班男仔再次返回玩門鐘，足足玩了5至10分鐘，陳小姐因害怕不敢開門。
陳小姐表示，自己在天瑞邨住了15年，從無與人結怨，亦無欠債，不明白為何會被針對。她形容事件屬惡作劇性質，但已嚴重影響日常生活。