仔仔一堂｜從抗拒到接納 Janet Ma真摯剖白同志媽媽感受

《仔仔一堂》上周五播放最新一集，嘉賓馬詩慧（Janet Ma）大方分享從抗拒到接納女兒王曼喜是同志的過程：「我諗我係一個幾傳統嘅媽咪，我都係想我啲小朋友結婚生仔。初頭係我自己Sense到，佢喺美國返嚟放暑假，我成日見到佢用電腦同個女仔傾偈，我就問佢，佢初頭唔認。直至有一日佢話係呀，我係鍾意女仔，我淨係同佢講：『我諗你睇定啲先啦，遲啲你可能鍾意番男仔』。」主持王賢誌(Vinci)聞言大表詫異，並追問Janet是否因事情發生在自己女兒身上才難以接受。Janet坦言：「冇錯，我好多同志朋友，覺得佢哋好Nice，好Talented。」

Janet又謂全靠一個「窿」令自己想通：「有次我去做Massage，張床咪有個窿嘅，喺個窿度突然之間有人同我講：『你要開始接受呢樣嘢，因為呢樣嘢會影響到你同個女嘅關係。』我之後就覺得要Let Go喇，我個女有自己嘅生活，有自己愛嘅人，有自己嘅選擇。」而Janet亦視女兒的Partner如家人，感覺好Warm，全家關係變得更為密切，真摯之情令在場所有「仔仔」大為感動。