眾星出席新劇《奔跑吧!勇敢的女人們》拜神儀式

眾星出席新劇《奔跑吧!勇敢的女人們》拜神儀式

蕭正楠、吳若希、朱敏瀚、賴慰玲、鄧智堅、何遠東出席新劇《奔跑吧!勇敢的女人們》拜神儀式,眾人大談於劇中的角色,以及對劇集的期望。

吳若希獲粉絲速遞暖心應援 推介新歌差啲搞喊Winki

日前香港氣溫急降, 吳若希 嘅Fans就專程速遞暖笠笠嘅飲品同美食去到電視城,為正在拍攝劇集《奔跑吧!勇敢的女人們》嘅佢打氣,仲成個劇組都受惠。而我哋嘅主播 王鎮泉 就化身「送禮泉」幫Fans完成任務,將應援物直送到錄影廠。

泉叔仲相當忠於Fans想法,一樣戴住Jinny面具,講住Jinny嘅口頭禪同新歌嘅重要歌詞「搞唔掂喎!」「送貨」,氹到Jinny相當開心。

Fans嘅應援物除咗有暖胃嘅食物同飲品之外,仲有相當暖心嘅宣傳單張,印晒Jinny新歌連結QR Code,喺大家嘆美食之餘同時可以上網欣賞一下Jinny嘅新歌《召喚絲》。

Jinny又即場向拍檔 蕭正楠、朱敏瀚、賴慰玲、鄧智堅等推介新歌,朱仔一打開Jinny新歌嘅MV就留意到亮點:「一開場就有床戲喎!」Jinny更特別推介俾Winki聽:「呢首歌好啱人妻聽,講媽媽都要有自己私人時間﹐好希望就算做咗人媽咪依然有時間出去拯救地球。」聽到呢點後,Winki即時好有共鳴話驚自己會聽到喊,相信唔少媽媽級嘅朋友都感受到me time嘅可貴。

 相關推薦

熱門搜尋