飛常日誌｜魔音芊芊」重現江湖！郭柏妍搞笑打定底：可能又傷害到大家耳仔

香港機場管理局全力協助的《飛常日誌》，自劇集開播後，郭柏妍Rosita的高顏值及美腿一直備受關注，不少網民對Rosita的修長美腿洗版式讚歎，並搞笑封她為「腳柏妍」。今晚（19日）播出一集，曾被封為「魔音芊芊」的Rosita將「載譽歸來」上演唱K場口。劇情講述她知道與馬國明無望在一起後，被拉去唱K時大唱《逃避你》發洩情緒。

無綫官方宣傳平台先後釋出不同版本的「芊芊魔音版」《逃避你》，分別有「激昂飆高音版」及「走音樂底純魔音版」等，搞笑的是，當有音樂伴奏時，Rosita的「魔音度」大增，不但走音、還嚴重甩拍，配以一眾同場演員的趣怪反眼反應，令場口更添喜感；但當走掉音樂後，Rosita的唱功即時變回正常，足證其聲音「可塑度」甚高。

對於要應付唱歌場口，Rosita坦言有壓力：「呢場戲除咗唱歌，仲包含一啲情感戲，我喺呢個位反而有壓力，唱歌我都唔太擔心，因為我本身都唔係專業歌手，但都要同大家講定唔好意思先，可能又要傷害到大家耳仔，大家多多包容，我有時間一定會學唱歌！」

影片來源：seesaw先!