梁諾妍卸貨在即自家拍Low cost大肚寫真 親揭「長胎不長媽媽肉」貼士

洪永城太太梁諾妍（Inez）去年底宣布懷有第二胎，「卸貨在即」的她，懷孕期一直肥肚不肚媽，令女生們羨慕不已。Inez昨晚（19日）於社交平台分享一輯「自家拍」大肚寫真，並撰長文親揭「長胎不長媽媽肉」秘訣！

Inez直言，今次無暇外出拍大肚相，於是匆匆買了日落燈及Bra Top，花了一小時在家中「Low cost」拍照留念。相中所見，Inez果然得天獨厚，肚大大但四肢依然纖幼，上圍更加明顯升Cup！

點解陀住Sir Face 2.0都可以毫無肥腫跡象？Inez親揭秘訣：「其實陀BB都唔係大家想像咁輕鬆㗎，今胎的確比第一胎輕，現38週都係重咗差唔多22磅到，比生Sirface時重量係30磅都差好幾磅，但係2.0長胎比家姐好～出世都會比家姐重。不過今胎比第一胎都辛苦幾多，成個孕期中咗三次流感、新年後再中埋covid（冇咩藥可以食，只可以自然療法），呢2日仲要腸胃炎係咁屙到脫水發燒，而今胎胎盤高啲，就成日頂住個胃，搞到食多少少就想嘔，但係撇除呢啲，當然我飲食習慣同第一胎係有分別嘅。」

Inez續指，今次懷孕期間進行168間歇性斷食，加上攝取高蛋白質少碳水及適量運動，才能維持「長胎不長媽媽肉」，「雖然成日都好想飲珍珠奶茶，但係我嘅珍奶都會嗌無糖／微糖，純粹過吓口癮。講咗咁耐，都係想讚美一下所有媽媽，媽媽真係好偉大，十月懷胎嘅辛苦感受到晒，不過所有嘢都係值得，寶寶健康就係父母最想見到，除咗要錫自己媽媽多啲，所有老公一定一定要再錫老婆多啲呀！！！！媽媽加油，我哋繼續互相扶持。」

圖片來源：梁諾妍IG

自家拍大肚寫真，好有FEEL!自家拍大肚寫真，好有FEEL!