逆天奇案2︱馮盈盈回歸！重遇森Sir崩潰爆喊 喊戲連場急搵泰臣「補鐘」

由劉家豪總監製的《逆天奇案2》繼續熱播，昨晚（15日）一集，大家期待已久的Ana（馮盈盈飾）終於登場。

Ana上輯因自責令到森Sir（陳展鵬飾）與阿Wing（林夏薇飾）分手，遂遠走他方離開香港這個傷心地；後來在紐約與電腦奇才喬天祖（高鈞賢飾）邂逅並成為情侶；之後，天祖因工作關係，飛往香港並需停留一段長時間，Ana為了天祖終鼓起勇氣飛返香港。原打算勇敢面對過去的Ana，在蘭桂坊與森Sir巧遇一刻崩潰爆喊，令天祖大為擔心…Ana及後向天祖坦白往事，天祖不但未有介意，還決心幫Ana解開心結。

盈盈昨晚一集喊戲連場，內心情緒相當複雜，她受訪時透露事前特意找泰臣「補鐘」：「事前我搵咗泰臣做我演戲老師，預先排練預演過後先正式拍攝，務求可以更加投入同掌握到劇中嘅感情戲。」講到拍攝當日蘭桂坊人多又熱鬧，會否影響入戲？盈盈說：「好在泰臣老師教咗我一啲投入角色世界嘅技巧，同埋我事先重溫咗《逆天》第一輯喺蘭桂坊拍攝嘅場面，加強咗我嘅回憶令到拍嘅時候更易入戲。」

講到《逆天2》中喊戲連場，盈盈坦言：「今次係我入行以嚟，拍過最多喊戲嘅一套劇，唔多唔少都會令到我喺拍攝過程中心情受影響。但我收工之後會搵方法調節自己嘅情緒走番出個角色，我參考咗一啲前輩建議，透過睇書、做運動、聽音樂嚟紓解壓力。」

至於飾演盈盈男友的Matthew演出同樣亮眼， Matthew在劇中除了高大靚仔，又識煮飯做家務，對盈盈的愛更是體貼入微，名副其實100%暖男！Matthew近年不時飾演暖男角色，繼在《一舞傾城》飾演長情男俊駒、《新聞女王》飾演對未婚妻李施嬅無限包容的律師邵俊樂後，這次在《逆天2》飾演男友力Max的天祖，不但對著Ana溫柔無比、千依百順，為了令Ana回流香港後依然有「家的感覺」，除特意將家中所有擺設及物件「神還原」紐約愛巢，就連「景觀」問題亦以「牆上投影」予以解決，暖心及浪漫度爆燈！連續三套劇大晒暖男面，Matthew絕對有潛力成為「新一代御用暖男」。