林奕匡突擊街頭Busking即興jam大熱歌 鼓勵busker繼續勇敢追夢

積極密鑼緊鼓地排練音樂會的「Phil」林奕匡，日前途經旺角街頭，意外聽到有busker演唱自己的大熱歌曲《安徒生的錯》，Phil突然技癢，突入busker街頭開Live，和大家一同演唱，令粉絲們非常驚喜！Phil更即興與Busker jam《有人共鳴》及「DSE神曲」《一雙手》，當中有樂手今年考DSE，即興奮謂：「我小六就聽呢首歌。」Phil苦笑表示：「你想兜個圈話細個就聽我啲歌。」

途中，Busker表示：「三年前玩sing con（歌唱比賽）初賽，第一次玩呢首歌就係《高山低谷》」故希望與Phil現場唱一次!Phil搞笑指：「三年前啫！」他又指歌曲正正推出了十年。隨即，有樂手更建議彈THE FIRST TAKE Version，Phil不禁大讚：「呢個version多咗個music break，你都識？」

Phil感慨表示：「今日幾開心，冇諗過有咁大嘅收獲，我係有個會計喺登打士街，行過嚟拎車嘅時候就咁啱見到。音樂其實有時就係緣份嘅嘢，例如遇到一隻歌、遇到一個故事、遇到一份詞，生命有唔同嘅機遇就係咁樣嚟。」他又鼓勵Busker繼續追夢，做到自己喜歡的事：「做音樂唔容易，尤其是buskers，要一早霸定個位又要練好多歌，大家要多多支持。」期間，一度獲圍觀市民一同大合唱，場面熱鬧又溫暖。

最後，Phil決定送上音樂會門票，邀請Busker到場欣賞，見證Phil十年來經歷《高山低谷》的音樂軌跡。