吳業坤苦練空手道四年 首次參賽即攞冠軍超勁！　

吳業坤近年可謂事業、愛情皆得意，原來他練習空手道接近四年，仲已經好有成績。日前首度參加比賽即時傳來好消息，更在社交平台報喜，在比賽中成功奪冠！

一直熱愛日本文化的坤哥，娶得日籍主播愛妻濱口愛子，亦曾到日本深造。此外，坤哥近日原來首次參加「第十三回親善空手道選手權大會」，仲拎埋冠軍呀！坤哥在社交平台分享喜訊：「🥋2020年5月第一次接觸空手道，加埋有一年既空白期去左外地工作，練習左差唔多四年，今日第一次參加組手比賽拎到冠軍好開心🏆（人生對上一次拎冠軍好似係中五既推鉛球金牌）我會繼續努力！！！！多謝師傅既愛的鞭策！今次明白咗，無論幾攰都好唔好展露出黎，咬實牙關都要打埋落去，直至完場，歡迎一齊變得更強大。」

圖片來源：吳業坤IG

坤哥原來練習空手道已經四年!坤哥勁呀!